獨家| 直擊《刑偵12》吳業坤豪華住宿 爆深夜頻約振朗食好西

劇集《刑偵12》喺佛山拍攝得如火如荼，作為主角嘅 林保怡 早前話劇本相當之好亦需要演員化用好多腦汁去消化，為咗令一眾演員可以安心應付身心高強度拍攝，劇紅就安排「五星級」住宿豪華酒店套房俾一眾演員喇。

坤哥近日身處佛山拍攝新一輯《刑偵》

我哋主播 潘盈慧 早前到佛山探班，仲參觀坤哥住宿嘅房間，裡面有廳有房，超大浴室同廚房，而坤哥最愛就係有乾衣功能嘅洗衣機，可以隨時洗衫，唔使帶太多行裝拍劇。坤哥仲話阿盈係第一位客人，因為太太 濱口愛子 要留守香港照顧愛寵狗狗，所以未能做跟得夫人到佛山嘆靚房。

太太為照顧愛犬未有隨行，而坤哥就把握時間Keep Fit

坤哥話新劇主要同 張振朗 同 傅嘉莉 戲份較多，又話好高興同振朗繼《愛·回家》相隔10多年再合作，兩人仲不時約食宵夜傾戲，但係因為咁變得好「大鑊」，為免變中年大叔身形唔連戲：「講真呢個年紀唔Keep﹐一唔郁就會肥，呢度就完美，一落樓就可以做Gym，生活愉快。」

坤哥仲透露劇集拍畢後，大約9月就會推出新歌同準備新一輪巡演，希望順道慶祝明年歌手出道10周年，先喺內地巡演再回香港搞音樂會。