成龍意外曝光元奎死訊後再發文 貼舊相細數昔日兄弟情

成龍日前發文悼念元家班已故兄弟姊妹，意外曝光昔日同門師兄元奎離世嘅消息，元奎兩年前因為感染新冠肺炎離世，家人選擇低調處理後事未有公開，卻被成龍無意之間揭露。

成龍日前發文，意外曝光昔日同門師兄元奎離世嘅消息。

事隔幾日，成龍再喺微博發文細數跟元奎嘅兄弟情。成龍寫到：「上一條微博發布之後，很多朋友來跟我求證元奎導演的事，之後我聽同事們說，很多電影界同行都對此感到震驚、心痛和惋惜，也有很多同行和影迷都在發文悼念，謝謝大家。」

事隔幾日，成龍再喺微博發文細數跟元奎嘅兄弟情。

成龍話元奎大自己三歲，當年喺元家班係自己嘅師兄，二人玩得最多，打交亦打得最多。自己入行之後第一部擔任動作指導嘅電影，元奎係佢嘅副指導，大家並肩合作咗好多部電影，一直互相陪伴同支持。之後見到元奎進軍荷李活擔任動作指導同導演，有自己嘅代表作，覺得好為佢開心同驕傲。

成龍話元奎大自己三歲，當年喺元家班係自己嘅師兄，二人玩得最多，打交亦打得最多。

至於曝光元奎死訊嘅原因，成龍就寫到：「在元家班65周年的聚會上，大家在緬懷逝者的環節，提到元的名字，往事歷歷在目....我想應該單獨為他寫一段文字，紀念我們一起渡過的青春歲月。」
除咗以文字緬懷呢位好兄弟，成龍仲貼出兩張昔日舊相，其中一張見到元奎幫成龍按摩。而成龍最後就寫到「元奎，一路走好，永遠懷念你」。
香港著名導演、武術指導兼監製元奎（右）證實兩年前感染新冠離世。