StarTalk｜《法證先鋒VI》蔡潔劇透與關楚耀關係激烈又驚慄 袁偉豪留白感情線讓觀眾幻想

《法證先鋒VI倖存者的救贖》再譽歸來，承接上一集原班人馬，包括黃宗澤、袁偉豪、蔡潔、傅嘉莉等。呢日邀請到袁偉豪同蔡潔接受TVB娛樂新聞台主播詹可琳喺《StarTalk》大談劇中角色關係同追看點。袁偉豪同蔡潔分享同黃宗澤呢個法醫、鑑證、重案嘅鐵三角關係昇華，幕前幕後都散發出好朋友嘅感覺。

袁偉豪同蔡潔分享同黃宗澤呢個法醫、鑑證、重案嘅鐵三角關係昇華，幕前幕後都散發出好朋友嘅感覺。

而今集飾演Dr.范嘅蔡潔喺上一輯同關楚耀有段不愉快經歷，到呢輯裡面又會重遇全新角色嘅關楚耀，但兩人嘅發展如何？蔡潔肉緊表示會好激烈，但不能劇透太多。身邊嘅袁偉豪即和議仲用驚慄嚟形容兩人嘅發展，叫觀眾要細味呢條劇情線。至於鄭Sir袁偉豪則會同傅嘉莉展開一啲感情線，一力照顧喪夫嘅Kelly同兒子，佢希望呢個位可以留白讓觀眾去解讀，但自己就覺得發展好人性化。

今集飾演Dr.范嘅蔡潔喺上一輯同關楚耀有段不愉快經歷，蔡潔肉緊表示會好激烈，但不能劇透太多。

袁偉豪喺深圳拍攝劇集期間老婆張寶儀誕下囝囝，回想由準爸爸演變至新手爸爸呢段期間，其實心情緊張又開心，袁偉豪細訴當時自己嘅變化更是回味。蔡潔聽完呢位爸爸分享之後，都戥老友開心幸福，更指劇中演員好腳頭，拍攝第五輯時洪永城生BB，第六輯時袁偉豪生BB，仲有關楚耀都成婚，好多喜事發生。
身邊嘅袁偉豪即和議仲用驚慄嚟形容兩人嘅發展。