佘詩曼Man姐純白型格打扮廟街出沒 掃街嚓餐飽寓工作於娛樂

佘詩曼（阿佘）最近主持一個內地綜藝化身城市探索官嘅身份，帶大家深入大灣區核心城市廣州及香港街頭巷尾，收集獨特城市印象，噚日阿佘喺社交平台貼出香港「掃街」相，見佢以一身Man姐純白型格打扮喺廟街出沒！

噚日阿佘喺社交平台貼出香港「掃街」相。

原來阿佘係介紹緊香港美食攻略，為食嘅阿佘喺IG留言：「勁開心！寓工作於娛樂，可以去廟街掃街～勁正！齋腸、咖喱魚蛋、炸魷魚……」

見阿佘以一身Man姐純白型格打扮喺廟街出沒！

阿佘曾喺另一節目分享自己一日食5至6餐，甚少節食或斷食，令自己感覺飽足，又可以減少胃容量，降低食量及所攝取嘅卡路量，等自己飽住瘦；咁「掃街」食港式小吃就啱晒阿佘，網民見到啲相都忍唔住笑指「吃貨佘已上線」。
網民見到啲相都忍唔住笑指「吃貨佘已上線」。