楊千嬅澳門演唱會一連兩場圓滿結束,千嬅向歌迷大派驚喜,更清唱新歌作為預告。千嬅開心見到觀眾一晚比一晚熱情,相信呢個係做演唱會嘅最大滿足感:「感謝你們每一位觀眾成為我回憶裡一個很重要的收藏品,希望每首歌曲可以成為你們回憶裡的一種愛。」千嬅開心見到觀眾一晚比一晚熱情,相信呢個係做演唱會嘅最大滿足感。
呢次導演巧妙咁融合千嬅大熱歌曲同小經典系列,由第一首《狼來了》、《再見二丁目》、《笑中有淚》至最後《無去無來》,把出道接近30年嘅千嬅每年點題作品都挑選出嚟與歌迷分享。千嬅提到今次主題係RECOLLECTION,因為佢覺得音樂、知音、共鳴、所有嘅人生歷程都係同歌迷及大家一齊成就咗呢件事,甚至乎今天嘅家庭都係佢最珍貴嘅收藏。呢次導演巧妙咁融合千嬅大熱歌曲同小經典系列,把出道接近30年嘅千嬅每年點題作品都挑選出嚟與歌迷分享。
RECOLLECT同時就係以音樂作為連結,連繫所有嘅歌迷,連結走散咗嘅人們,同時若有人係迷失嘅心,都會因為音樂透過愛重新連上。從大熱《少女的祈禱》、《可惜我是水瓶座》,到 Side Track 《孔雀》、《擁抱回憶》及新紮師妹主題曲《男女關係科》,現場無一不大合唱。千嬅笑言當年出道時雙十年華,感謝電影呢個大銀幕送畀佢好多唔同嘅愛情故事,可以不負責任咁戀愛,從而知道好多男女之間嘅關係。千嬅笑言當年出道時雙十年華,感謝電影呢個大銀幕送畀佢好多唔同嘅愛情故事。
原定一個半小時嘅演唱會,因現場觀眾反應熱烈,千嬅亦意猶未盡,毫無預警下Encore多首至兩個鐘。Encore嗰陣歌迷全向前聚集更多次大叫點歌,呢次千嬅有求必應,除咗少有地唱出《偷生》、《知更》,更因為現場點歌時聽唔清楚,喺台上搞出多次笑話。原定一個半小時嘅演唱會,因現場觀眾反應熱烈,千嬅亦意猶未盡,毫無預警下Encore多首至兩個鐘。
近年除咗忙於巡演,佢同時開始籌備新專輯計劃,笑言喜歡歎、慢慢做嘅千嬅,已默默地灌錄新歌,千嬅更心血來潮清唱喺幾句全新即將推出新歌作為預告。歌迷立即大叫「快啲出呀,好好聽呀」,千嬅亦回應歌迷指希望好快喺香港同大家見面。千嬅更心血來潮清唱幾句新歌作為預告,歌迷立即大叫「快啲出呀,好好聽呀」,千嬅亦回應歌迷指希望好快喺香港同大家見面。
近千歌迷喺完場後圍喺綜藝館場外,一齊應援大合唱,不停呼喊千嬅出嚟,最後千嬅亦不敵歌迷熱情,出嚟與大家合照之後才散去。
千嬅亦不敵歌迷熱情,出嚟與大家合照之後才散去。