高海寧為年度時裝界盛事站台 駕馭運動風時裝輕鬆冇難度

高海寧（高Ling）呢日現身香港故宮文化博物館，出席年度時裝界盛事CENTRESTAGE（香港國際時尚匯展）揭幕記招。身穿露腰高爾夫球裝嘅高Ling睇落亮麗健康，而佢喺朱紅色大門「打卡位」亦有留下倩影，無論係型格抑或清新風格嘅時裝，都完全駕馭得到冇難度。

高Ling一身露腰動感打扮，撇甩平時嘅女強人造型
 
今屆CENTRESTAGE將於9月4至7日舉行，更匯聚17個國家及地區、250個品牌參展，品牌數目是歷年之冠。大會更安排多場時裝表演、巡禮，以及由時裝業界巨擘參與研討會及論壇，更首度一連四日同時開放，令業界買家同公眾人士可以免費參觀及選購場內多個設有零售嘅品牌服裝及配飾。

高Ling身穿別注版運動裝，為下月初舉行嘅時裝活動擔任宣傳嘉賓