獨家丨胡諾言拍廣告獲驚喜慶生 參演《刑偵12》角色有突破

8月23號就係胡諾言嘅47歲生日，呢日佢喺拍攝廣告時就獲工作人員送上生日蛋糕為佢提前慶生，令胡仔相當驚喜。
胡仔獲團隊為其提早慶生。
講到生日願望，胡仔就話最重要係家人身體健康，其次就係想世界和平，希望大家都可以開懷一啲、正面一啲，唔好被負能量影響。不過講到點同家人慶祝，胡仔就話因為小朋友即將要開學，所以都唔會出外旅遊，加上唔希望小朋友玩得太多變得心散。
 胡仔話生日願望係家人都身體健康。
胡仔向來嘅螢幕形象都係比較正氣，不過佢喺新劇《刑偵12》嘅角色就有新突破，事關係一個悲劇人物。所以胡仔都好希望大家到時睇到，會覺得好有驚喜。胡仔亦好期待未來有機會再繼續挑戰唔同類型嘅角色，挑戰自己。