JW自信企C位無懼與港姐相比 鍾柔美 詹天文讚15位佳麗專業

JW王灝兒、鍾柔美Yumi、詹天文Windy三人以白色晚裝裙打扮上陣，為《2024香港小姐競選》主題曲《Proud To Be a Woman》拍攝MV，歌曲特意邀請到音樂人趙增熹作曲及監製，15位候選港姐同樣穿上華麗晚裝喺舞台參與拍攝，展現高貴氣質。

JW為港姐主題曲拍攝MV

企喺C位嘅JW雖然身高比較輸蝕，但依然氣場十足，更自嘲雖然在眾多美女之中自己係最年長、最矮及最唔瘦，擁有三個最嘅佢並無因此而打擊自信，反而覺得好Proud of自己嘅一切，就好似歌曲中嘅內容一樣，所以自己拍攝當日都好印象深刻。能夠同一班港姐合作，Yumi同Windy都好興奮，又大讚場景華麗，見到港姐們擺甫士好專業。

Windy見到一眾佳麗覺得非常夢幻Yumi亦有份演唱主題曲

14號楊梓瑤話首次聽到歌曲好有動力感覺，而且大家仲好似公主一樣登場好靚。12號鍾翠詩則認為歌名就好似大家一樣，令佢哋签出嚟更有自信。8號盧凱怡特別欣賞場地高貴，好待呢首主題曲MV面世，而2號倪樂琳同6號李曼思都有開心分享感受。
一眾佳麗仲有唔夠一個月就要面對決賽