關嘉敏30歲生日大派福利密鑼緊鼓出首支個人單曲

關嘉敏（Carman）喺8月24號踏入29+1喇！日前Carman喺社交平台連環大派福利，毫不吝嗇展示美好身段，Post出多張性感泳衣相兼大曬新髮型，Carman撰文話：「#824好日！！關嘉敏生日快樂！祝我繼續開心快樂！繼續過得充實！繼續解鎖，解鎖，再解鎖」，又分享收到花同埋由髮班師所送贈生日蛋糕嘅喜悅。

關嘉敏星期日生日，踏入3字頭嘅人生早前已獲髮型師為佢慶祝

唱得跳得亦演得嘅Carman入行多年，終於憑喺綜藝節目《福祿壽訓練學院》嘅精湛扮嘢技巧彈出，尤其係神還原王菲經典造型以及反串扮譚輝智，真係扮得唯肖唯妙，一度成為城中熱話。而正值事業得意嘅Carman更乘勝追擊，早前喺接受傳媒訪問時透露正籌備推出自己出道8年以嚟嘅首支個人單曲，更預告歌曲幾有突破性，希望趕得到喺9月底面世。