香港電影人匯聚泰國交流 回顧過去兼探索未來可能性

由亞洲電影大獎學院主辦，文創產業發展處、電影發展基金及香港駐曼谷經濟貿易辦事處資助，曼谷首家藝術及另類電影院HOUSE Samyan協辦的巡迴放映活動「香港電影巡禮2024」泰國曼谷站及「香港電影．都市活力」展覽圓滿落幕。 

「香港電影巡禮2024」泰國曼谷站及「香港電影．都市活力」展覽圓滿落幕。

呢次曼谷站活動一共有九部香港電影放映，開幕電影為鄭保瑞作品《九龍城寨之圍城》及邱禮濤作品《海關戰線》，其他電影就有：張家輝作品《贖夢》、何妙祺作品《我談的那場戀愛》、卓亦謙作品《年少日記》、簡君晋作品《白日之下》、區焯文作品《說笑之人》、謝家祺作品《七月返歸》及關錦鵬經典作品《阮玲玉》(4K修復版)。

邱禮濤卓亦謙

 嚟自香港嘅電影人，黃德斌及喬靖夫、導演邱禮濤、導演卓亦謙、監製陳慶嘉及導演何妙祺亦走進泰國校園，同朱拉隆功大學嘅傳播藝術系學生對談，以及探訪由《以你的名字呼喚我》泰籍攝影師Sayombhu Mukdeeprom創辦的後期製作公司進行交流。 代表《海關戰線》嘅導演邱禮濤 分享，喺活動中可以感受到泰國觀眾對港產片嘅喜愛，感嘆泰國曾經都係港產片一個重要市場，可惜金融風暴後少咗片商買入港產片，由當年起到現在，只有寥寥可數的香港電影在泰國發行。佢大讚泰國傳媒雖然後生，但發問好有水準，對香港電影近況並唔陌生。 

何妙祺、陳慶嘉。

至於由監製陳慶嘉及導演何妙祺嘅電影《我談的那場戀愛》即將喺香港上映，陳慶嘉表示觀眾反應比佢想像中好，令佢地相信浪漫同幽默是可以共通：「其實人性本來就係共通，如果可以掌握得準確一啲，一部電影其實可以走得好遠。」陳慶嘉又話，要電影可以行銷到其他國家，最重要係題材要回應現世代觀眾嘅諗法，呼應佢地嘅擔心同想像。 而《年少日記》意外收穫眾多觀眾共鳴，放映當日全院滿座，好多觀眾都受電影觸動而落淚。導演卓亦謙亦喺映後活動同泰國觀眾分享交流，表示：「電影情節係虛構，但當中嘅情感係真實嘅。」 

黃德斌及喬靖夫。

而喺「香港電影．都市活力」展覽就有介紹昔日城寨社區嘅《九龍城寨之圍城》復刻樓房；《海關戰線》中，貨櫃輪船航行於維港兩岸高樓間嘅景色；以銀行金庫及紙鈔互動裝置，展現《金手指》中一個充滿機遇嘅香港；《年少日記》內放滿書籍嘅傳統香港學校課室；以及《但願人長久》中嘅傳統港式點心茶樓場景，令參觀者可以感受香港地道「飲茶」文化，仲有另外三個香港特色場景「港式茶餐廳」、「霓虹燈招牌」及「戲棚」，都可以呈現出香港獨有城市風景以及日常生活文化。