獨家丨《中聲》顏志恒感謝歌迷愛錫 Fans辦歌唱比賽望體會偶像參賽心情

《中年好聲音》歌手顏志恒不時舉行Fans Meeting，近日佢舉辦咗一個歌唱比賽，原來係歌迷想感受吓作為參賽者嘅心情，顏志恒大讚歌迷好熱心，知道歌迷想感受佢參賽當刻心情，令顏志恒感到非常窩心。

《中年好聲音》歌手顏志恒不時舉行Fans Meeting，近日佢舉辦咗一個歌唱比賽。
顏志恒好感謝歌迷嘅愛錫：「因為我，而鍾意唱歌，當晚好開心見到佢哋好畀心機準備比賽，個個都好認真，咁用心用力去準備，我自己都好開心。除咗支持我，仲想親身嘗試作一個參賽者嘅感受，我覺得佢哋真係好錫我。」

顏志恒好感謝歌迷嘅愛錫，當晚好開心見到佢哋好畀心機準備比賽，個個都好認真。
顏志恒感激朋友們義不容辭爽快答應幫忙做呢個歌唱比賽嘅評判，自己亦係因唱歌跟呢班志同道合嘅朋友走埋一齊，顏志恒好開心呢次有機會跟朋友順便敘舊，大家都畀咗參賽者一啲建議，希望參賽者喺歌唱上一齊進步。

顏志恒感激朋友們義不容辭爽快答應幫忙做呢個歌唱比賽嘅評判。
顏志恒講到歌迷會定期有舉行見面活動，而另一個粉絲成立嘅義工團亦不定時舉行探訪活動，9月7號將舉行老人院探訪，如果天氣冇落大雨或者打風，佢哋亦會如期舉行活動。

因唱歌跟呢班志同道合嘅朋友走埋一齊，顏志恒好開心呢次有機會跟朋友順便敘舊。