兩年抱兩！Gordon陳樂榣為女兒舉行1歲生日會 宣佈喜訊趕生龍仔

前天堂鳥成員葉泓聲（Gordon）與Freeze前成員陳樂榣（Ally）組織家庭，去年誕下女兒Gia，噚日佢哋為阿女搞生日會，更一齊透露喜訊，Ally再度懷孕，明年1月中預產期，預計可以趕及追到龍B，兩年抱兩，果然夠勤力。

Ally與Gordon開心迎接準備再做父母。
Gordon笑言：「Ally知道我太喜歡小朋友，驚我遲啲又想再生BB，叫我要去紥咗佢，不過3個夠哂數嘞，我要更加勤力，做生意同埋演藝事業雙飛，等太太唔洗咁辛苦。」聽到二人宣布再有喜，好友都紛紛恭賀兼追問幾時一次過擺酒。

葉泓聲感謝陳樂榣為他再追多個，兩人趕及明年1月中再生龍仔。
問到Ally點解咁急喺二女Gia八個月大時又即懷孕，Ally就話一早同Gordon有共識想要生2個，再加上我女兒Aria就三個夠哂數，亦好感恩又畀我哋願望成真，現時4個多月，已經照咗係兒子，所以好開心，生完就可以收工嘞！」

葉泓聲與陳樂榣為二女Gia慶祝1歲生日。
Ally大讚Gordon基因好，Gia非常可愛靚女，加上Gordon係一位好顧家嘅老公及細心老竇，照顧二女Gia周到，對大女Aria一樣用心，促使佢再追多個B。Ally告訴大女做大家姐呢個消息，指大女呢半年已好接受妹妹，雖然口硬話唔錫妹妹，但阿女會主動用零用錢買生日禮物畀細妹妹。

Ally與Gordon宣布家有喜事，追B成功非常開心。