杜自持率41位樂手舉行作品展 邀請胞妹為音樂會演唱

本地著名音樂人杜自持即將喺10月2、3日舉行作品展音樂會，由杜自持擔任指揮、41位管弦樂手演奏，向音樂巨匠珀西．費思（Percy Faith）及亨利．曼西尼（Henry Mancini）致敬。

本地著名音樂人杜自持即將喺10月2、3日舉行作品展音樂會。

呢次為增添音樂會嘅色彩，杜自持亦特別邀請妹妹杜翠雲擔任客席歌手，演唱多首經典電影主題曲。佢表示：「作為指揮，樂手品格同音樂造詣同樣重要，良好嘅團隊合作係成功關鍵。」佢期望呢次音樂會可以創造良好口碑，並有機會喺大灣區巡演，令更多音樂愛好者感受到呢啲經典旋律。 

由杜自持擔任指揮、41位管弦樂手演奏，向音樂巨匠珀西．費思（Percy Faith）及亨利．曼西尼（Henry Mancini）致敬。

杜自持嘅音樂生涯深受兩位大師影響，因為杜爸爸從事音樂工作，家中有大量Percy Faith嘅唱片，兒時聽會覺得作品覺得深奧，但充滿個性：「不過Henry Mancini對我影響更深，多年前收到師傅煇哥（顧嘉煇）送贈一本Henry Mancini教編曲嘅天書，我視之為音樂秘笈。」

杜自持邀請妹妹杜翠雲擔任客席歌手，演唱多首經典電影主題曲。