何廣沛騷前頭痛擔心影響演出 吳大強愛鍚家人更注重健康

何廣沛同吳大強應邀擔任牙齒健康活動嘉賓，齊齊為活動獻唱助興，但係Matthew活動前一晚無源無故頭痛，搞到佢擔心影響演出，好彩喺化妝時完全康復先安心。
何廣沛於活動上獻唱。

對於陳曉華被傳年底跟朱敏瀚秘婚，Matthew話自己冇收過帖，應該就唔係事實，加上過去幾個月同Hera都為《金式森林》開工，可以話係日見夜見，完全唔察覺對方有乜異樣，又唔見另一位當事人嚟探班，但佢都話若果係事實都會送上恭喜。
Bill哥哥落台同fans近距離接觸。

身為四子之父嘅Bill哥哥，就話做咗爹哋之後就覺得要以身作則，愛錫自己牙齒，佢又指除咗牙齒，身體健康同樣重要，平日佢都盡量少飲酒，除非係宴會應酬先飲少少。