10.1假期戲票一律半價 睇好戲再抽獎下周預售

香港戲院商會再次舉辦「10.1半價睇好戲」活動， 全港59間商業戲院於10月1日國慶假期全日所有場次，任何放映格式和同影院戲票均一律半價。當日入場觀眾唔止可享戲票半價優惠欣賞超過80套不同題材電影之外，仲可以參加「全城好戲FUN大抽獎」，有機會贏取超過2000份豐富禮品。

戲院商會今年再推出10.1戲票半價優惠
活動獲得唔少重量級巨星同演藝人拍片支持，9月上映嘅三部華語電影包括《我談的那場戀愛》、《望月》同《破浪男女》亦有演員代表現身，屆時觀眾亦可以半價優惠購買戲票欣賞以上電影， 當日亦有多套中⻄猛片任君選擇，好戲連場。
大批藝人參與拍攝宣傳片

由電影發展基金及文創產業發展處資助嘅「10.1半價睇好戲」，戲票9月25日 (星期三) 中午 12時起，陸續於各大戲院票房同網上公開發售，(除 ACX Cinema @ 北角匯戲院9月25日票房於下午2時開始營業、寶石戲院將於9月30日起預售外)；戲院票房購票每人每次最多只可購買 4張、網上購票數量以各大院線購票限制為準，詳情請留意各大院線公佈。  

今年戲票半價優惠仲加碼推出大抽獎

戲院商會同時舉辦「全城好戲FUN大抽獎」，以刮刮卡形式送出超過2000份獎品同過千張免費戲票，為入場觀眾帶來雙重驚喜。觀眾凡購買10月1日戲票即可獲刮刮卡1張，有機會贏取包括免費戲票、戲院小食部現金禮券、爆谷同汽水等即時獎賞。10位抽中大獎嘅幸運兒仲會獲得75張戲票禮券。     戲院商會理事長 袁彥文 話：「第二年舉辦『10.1 半價睇好戲』活動， 透過優惠票價鼓勵市⺠『入戲院睇戲』，嘗試唔同放映格式同貴賓院帶來嘅視聽享受。同時加入抽獎活動為入場觀眾提供額外優惠同驚喜，期望帶動整個活動嘅氣氛同投入感，為市⺠創造精彩有趣的觀影體驗。」