電影泉攻略丨曾寶儀搵大卡士聯手拍短片 阮經天拍親熱戲騷肌成賣點？丨EP121

 王鎮泉Jeoffrey 每星期為觀眾提供最熱辣電影資訊，中外猛片專訪花絮上映時間全部集齊，「電影泉攻略」個個星期陪你睇新戲。
阮經天同林嘉欣喺新片有唔少情慾鏡頭。
曾寶儀監製愛情電影《愛情城事》，由10位導演聯手執導10部短片，呢日佢同林嘉欣、阮經天上TVB娛樂新聞台節目《電影泉攻略》，曾寶儀笑指啲演員咁大卡士都唔知點搞掂，被問對監製寶儀嘅評價，阮經天指寶儀每次藏喺咪後，以免打擾到演員拍攝，十個短片嘅拍攝都在場，而阮經天拍親熱戲騷肌亦成為賣點？
阮經天好留心聽大家嘅分享。
本週新片速遞有《痛愛完成式》講莉莉邂逅高富帥神經外科醫生萊奧，極速陷入熱戀。萊奧性格缺陷逐漸浮現，勾起莉莉喺原生家庭嘅痛苦回憶，而初戀情人卻突然出現，三人行愛情拉鋸戰，莉莉又會點樣作出抉擇？
林嘉欣
《望月》講父親離家出走，留下母親、美珍同大哥阿風，一家三口表面上和睦共處，然而每個人心中各懷秘密，後嚟終會意識到能夠相聚一刻已經係最好時光。

《變形金剛 初始篇》講「變形金剛宇宙」初始故事，將見證奧萊恩派斯與D-16，點樣由情同手足嘅夥伴，變成誓不兩立嘅死敵柯柏文與麥加登。

《BIG 816》講6個來自唔同背景嘅小孩，一齊住喺816兒童癌症病房，病房裡面好熱鬧，六個家庭用愛相互扶持，喺醫院病房裡共享歡笑淚水嘅故事。

《不羈騎士》謂嘉菲偶然闖入酒吧，邂逅帥氣而沉默寡言嘅班尼，佢毫不猶豫跳上電單車後座，隨住呢群不羈放縱、熱愛自由嘅男人風馳電掣，從此佢嘅命運亦因此跟莊尼領導嘅「狂徒會」緊密相連。

《撞鬼遇到愛》講阿祖意外喺富豪祖父中繼承咗一棟古老大宅，佢好快發現呢棟房子被前屋主嘅鬼魂阿儂及其鬼魂夥伴佔據。阿祖靈機一觸，決定同呢啲「住客」合作，將計就計將大宅改造成全城最刺激嘅鬼屋。

呢個禮拜嘅票房戰況，截至9月18號中午，第三位《異形：羅穆路斯》、第二位《嘩鬼家族BEETLEJUICE》、第一位《我談的那場戀愛》。

曾寶儀最近忙住為佢監製嘅愛情電影《愛情城事》跑宣傳。