陳瀅拍TVB新劇搣甩「肉肉女」感覺 被捕獲生圖流出獲讚瘦咗靚咗

陳瀅早前拍劇集《美麗戰場》不慎露出腰間肥肉，令其身材成為亮點，就連監製葉念琛開拍前亦明言陳瀅要減肥，陳瀅後來拍《家族榮耀之繼承者》時獲佘詩曼提醒，令佢扚起心肝去減肥 ，近排佢不時喺社交平台大曬性感相，而陳瀅近日為TVB新劇《特勤女團》開工，更被網民野生捕獲，憑網上流出嘅「生圖」可見陳瀅瘦咗又靚咗，完全搣甩「肉肉女」感覺。

陳瀅早前拍劇集《美麗戰場》不慎露出腰間肥肉，令其身材成為亮點。
陳瀅最近忙於拍TVB新劇飾演女警，喺劇中有連場動作戲，仲要同張曦雯及羅毓儀組成女團「出道」查案，早前有網民喺街頭偶遇陳瀅開工拍外景，唔少網民讚陳瀅真人靚過上鏡，覺得陳瀅真人顯瘦，比上電視更好看。

陳瀅近日為TVB新劇《特勤女團》開工，網上流出嘅「生圖」，完全搣甩「肉肉女」感覺。
陳瀅早前同佘詩曼喺馬來西亞拍《家族榮耀之繼承者》，因阿佘開口勸陳瀅食少啲，令陳瀅開始積極調整自己身形同飲食習慣；陳瀅曾自爆覺得做運動減肥似「受罰」，一度唔喜歡做運動，後來受同劇嘅陳靜同王敏奕熱愛運動嘅感染，令陳瀅逐漸愛上運動。

陳瀅早前同佘詩曼喺馬來西亞拍《家族榮耀之繼承者》，因阿佘開口勸陳瀅食少啲，令陳瀅開始積極減肥。
陳瀅之前受訪亦自認係易肥體質，平時鍾意食炸雞同壽司等，所以要keep fit必須靠做運動同忍口，身形先可以保持苗條。而陳瀅以前曾被網民直指有肉地，而家見佢嘅減肥成果，為咗回復fit爆身材真係下咗唔少苦功！

陳瀅曾自爆覺得做運動減肥似「受罰」，一度唔喜歡做運動。

陳瀅之前受訪亦自認係易肥體質，平時鍾意食炸雞同壽司等，所以要keep fit必須靠做運動同忍口。

陳瀅為咗回復fit爆身材真係下咗唔少苦功！陳瀅喺新劇同張曦雯及羅毓儀組成女團「出道」查案。陳瀅拍TVB新劇飾演女警，喺劇中有連場動作戲。陳瀅飾演特務，透過組女團去接近目標 鍾柔美 Yumi 。