吃貨橫掃港深珠｜林秀怡破格挑戰水著裝扮 廖慧儀越拍越瘦有秘招

新一輯吃貨系列《吃貨橫掃港深珠》即將喺下周起，逢星期一至五晚10點半播出，除咗繼續有林秀怡、梁凱晴、彭慧中主持外，呢輯更加入另外兩位女神，廖慧儀同梁超儀，五位女神玩轉香港、深圳、珠海，為大家搜刮港人食買玩攻略，更為觀眾提供吃貨餐廳優惠。而喺記招上，電視廣播有限公司節目內容營運總經理曾志偉，更親自向提供優惠嘅食肆頒發感謝狀添。

曾志偉親自向提供優惠嘅食肆頒發感謝狀。

五位女主持喺節目上有唔同嘅身份擔當，分別係活力、甜美、氣質、高貴以及搞笑，成為「搞笑擔當」嘅秀怡簡直難以置信亦深感不滿。不過另外四位女仔就覺得呢個定位好襯秀怡，Jessica更笑指秀怡亦可以做性感擔當，變成既搞笑與性感並重嘅擔當。
 梁凱晴、廖慧儀、曾志偉、彭慧中、林秀怡同梁超儀。
有秀怡在場嘅地方就有歡樂處，呢輯佢更突破自我挑戰水著。秀怡就話，希望大家唔好被佢嚇親。而呢次有咁嘅突破，唔係秀怡主動要求，而係監製指定要求。秀怡幽默表示，大家可能係想睇「男人」著泳衣。
 三位吃貨女神：梁凱晴、彭慧中、廖慧儀、林秀怡同梁超儀。
拍飲食節目最大煩惱就肯定係越拍越肥，不過Jessica就冇呢個擔憂喇！被朋友話越拍越瘦嘅佢就話，自己會游好多水keep fit，又會教大家玩室外瑜珈。大家日日曬，啲脂肪都好容易流曬出嚟。
五位吃貨女神將會為觀眾帶嚟唔同優惠。