家常便飯爭霸戰｜薛家燕不捨節目完結 母子檔菜式令嘉賓一試難忘

由薛家燕、三姐蕭秀香、關楓馨（Fabienne）、冼靖峰（Archie）、阮浩棕（Nick）主持嘅廚藝比併節目《家常便飯爭霸戰》不知不覺已經嚟到最後一集，幾位主持呢日聯同擔任呢集嘉賓嘅就有廚藝了得嘅陳煒、譚俊彥以及名廚德哥做星級試食員，見證民間廚神誕生。

《家常便飯爭霸戰》不知不覺已經嚟到最後一集。

呢集主題就係「做節菜式」，阿Shaun同煒哥都食到舔舔脷。令阿Shaun最難忘就係一道以素翅製成嘅「鮑參翅肚」。事關係參賽者同媽媽一齊煮，好有親情味。而煒哥就笑言平時就少同屋企人煮飯仔，主要都係針對朋友、家人口味炮製美味菜式。

家燕姐喺咁多集以嚟食盡民間美食同佳餚，節目一眨眼就要結束，令佢最不捨嘅唔只美食，仲有人情味同溫情。至於有冇可能再開拍第二季，家燕姐同三姐都希望大家多多支持，亦表示已經準備緊時間。

《家常便飯爭霸戰》不知不覺已經嚟到最後一集。
三姐每集都擔任最重要嘅評分角色，如今終於塵埃落定，總算可以鬆一口氣。而三姐就大讚各位係友誼第一，比賽第二，今次各位全部返嚟見證冠軍，都係表現得好開心。而德哥就大讚決賽兩隊做得好好，就算自己所揀嘅嗰隊冇勝出，但無悔揀咗佢地。
陳煒擔任最後一集嘅嘉賓。
而三位後生仔女最大得著就當然係跟前輩學到嘅之餘，又可以大飽口福。阿Nick笑言自己喺節目多數擔任陪參賽者買餸嘅角色，如今終於可以試到參賽者手勢，真係好特別。Archie就分享最難忘手撕雞呢道菜，事關自己食雞無數，始終都係覺得呢樣好。而Fabi亦大讚手撕雞同鮑參翅肚好味道，令平時唔鍾意食海參嘅佢都大為改觀。