任家萱收病童畫作感觸落淚 S.H.E周年紀念合體向歌迷報平安

台灣藝人 任家萱 曾經經歷過燒傷痛苦，呢日以過來人身分擔任慈善基金會愛心大使，呼籲大家踴躍捐款幫助因為燒燙傷造成顏面受損嘅兒童，活動當日適逢中秋前夕，兩位病童特別送上手繪圖同小手作俾Selina姨姨，搞到一向眼淺嘅Selina忍唔住感動落淚。

Selina見到同自己一樣受燒燙傷之苦嘅小朋友就忍唔住落淚
Selina表示當媽媽後對所有小朋友事情都好感性，特別有同理心，淚腺亦變得更發達。本身上台前工作人員仲問佢要唔要攞定紙巾，Selina當時好有信心唔會喊，幸好化妝師對佢特別了解，叫佢袋住張紙巾先，最終都忍唔住落淚。
佢公開呼籲外界協助有需要病童

今年係S.H.E出道23年，雖然三人近年各自發展，暫時未有合體計劃，不過私底下佢地依然姊妹情深，除咗一齊慶祝911出道日，Selina囝囝小腰果嘅周歲生日，田馥甄Hebe同陳嘉樺Ella當然都唔會缺席。Selina笑指BB三至六個月大時就提前約定兩位好友，而到日前911係S.H.E生日，三人一同約會下午茶，知道好多S.H.E歌迷都好有佢哋心，所以三人就上載圖片報平安，請大家放心。

S.H.E.日前出道周年，雖然未有公開活動，不過成員亦有共聚