人氣王譚輝智為首支單曲辦答唱會 MV有親密戲經太座嚴格審批

譚輝智 有「中聲2」人氣王之稱，近日佢嘅首支單曲終於正式派台，呢日佢就喺商場舉行新歌簽唱會，同一班Fans近距離接觸，除咗一班戰友力撐之外，FC嘅家人亦都現身支持，乖仔仲代表上台獻花，氹得佢不知幾冧呀。

輝智為首支單曲舉行簽唱會，吸引大批歌迷捧場
現場呢日首播新歌《多麼感激》嘅MV，雖然太太身處現場，不過輝智依舊派福利，同Fans重現MV中嘅頭貼頭同擁抱場面，希望譚太返去唔會扭佢耳仔啦。事後佢就話劇情唔算太大膽，不過一早已經向太太申請經過批准，仲搞笑話經過一段時間先審批成功呀。FC又話本來MV係由太太出演，但係因為太太怕醜而作罷。
呢日佢現場重現MV當中同女主角嘅貼頭畫面，仲話事前經過太太審批先拍攝

呢日佢又提到，好快就會有另一個內地演出，而一班Fans亦夠晒熱情，最正就係可以留低大擦唔同美食喎。佢仲話好快就會到訪日本，仲話到時一定會食返餐飽呀。

囝囝呢日亦有到場，仲親自上台獻花