陳山聰生日會變阿仔粉絲見面會 Jaco一展歌喉唱阿爸經典歌冇難度

陳山聰10月2日就迎來48歲生日，適逢今年係佢入行30年，佢呢排盡量抽時間同粉絲見面，答謝一班粉絲一直以嚟嘅支持，繼早前同大馬影迷見面後，今次佢再同其他粉絲歡聚，山聰噚日喺社交平台上載多張相片，感謝粉絲喺各地特意過嚟，眾人仲同山聰提早慶祝生日！

陳山聰噚日喺社交平台上載多張相片，感謝粉絲喺各地特意過嚟。

陳山聰感謝幾位中學同學，為佢提早慶祝生日。
山聰感謝「聰粉」專登喺北京、上海、吉隆坡、廣州同深圳前嚟相聚，仲有多謝佢幾位中學同學，為佢提早慶祝生日，山聰笑指噚日似阿仔Jaco粉絲見面會多啲。

陳山聰笑指噚日似阿仔Jaco粉絲見面會多啲。
阿仔Jaco仲一展歌喉唱山聰嘅經典歌《ABCD》，跟爸爸一人一句合唱，完全冇難度，不過當有人叫Jaco跳舞，Jaco似乎有啲怕醜。龔嘉欣亦留言：「Jaco真係識唱㗎喎，勁啊！」山聰搞笑回覆：「妳估佢流㗎！」其實經典歌《ABCD》係山聰出道嘅第一首歌，而呢首歌更係山聰最近登台必唱嘅歌。

陳山聰10月2日就迎來48歲生日。