華仔新戲愛女航機被綁 為家人勇戰劫機悍匪

劉德華 有份監製同主演、 彭順 執導，張子楓 屈楚蕭領銜主演高空犯罪新片《危機航線》即將上映。電影講述一架A380豪華客機於國際首航途中被劫機，劉德華飾演嘅國際保安專家高皓軍挺身而出，同一眾劫匪周旋。

劉德華於航機中以智謀力抗一眾劫機犯
其時華仔嘅寶貝女小軍(張子楓 飾)同媽媽 傅源(劉濤 飾)被困機艙 ，劫匪頭目Mike(屈楚蕭 飾)仲以全機800多人性命作籌碼威脅，全機乘客都身陷危機當中。

電影公司發佈嘅「極限反殺」預告中，小軍幸淚俱下向爸爸華仔求救，為驚心動魄嘅限時營救拉開序幕！劉德華飾演嘅高皓軍孤身營救家人，面對張子楓飾演嘅囡囡「小軍」被脅持，爭分奪秒同屈楚蕭飾演嘅Mike鬥智鬥勇，顯示佢守護家人嘅勇氣同決心。
寶貝女張子楓同媽媽劉濤都係機上乘客，令華仔更加擔憂

高皓軍有勇有謀，靠敏銳嘅洞察力同訓練有素嘅格鬥術，逐一擊退劫匪，亦逐步瓦解Mike陰謀。電影中連場震撼動作戲，將犯罪片嘅正邪對立搬上萬呎高空，場景設置於飛行中嘅航機上，隔絕任何外部支援。
屈楚蕭同佢嘅同黨劫持一架A380航機

對大小動作場面得心應手嘅華仔，今次亦係首次於「高空情景」開打，令佢印象深刻：「劇組搭建嘅機艙還原真實大小，封閉嘅機艙環境營造出無力嘅壓迫感。空間雖小，但係我哋用盡機艙每一個可用嘅空間逃走或者攻擊劫匪，過程中發現好多可能性，作為演員有好大挑戰性，但又好享受呢個嘗試！」
華仔指於狹窄空間拍攝非常有挑戰性

華仔同屈楚蕭兩人真槍實彈拼死相搏，加上飛機失重、發動機失火、機艙爆炸下墜，場面險象還生，新片仲邀請曾拍攝《無雙》嘅王耀慶、《拆彈專家2》嘅張揚仲有《我吃了那男孩一整年的早餐》嘅周興哲等多位演員參與演出。