劉德華新戲挑戰一打十二 出席首映謹慎戴口罩

由劉德華監製以及主演嘅電影近日喺北京舉行首映禮，呢日華仔就同張子楓、劉濤、屈楚蕭同導演彭順一齊現身。因為場地人多，一直展開演唱會巡唱嘅華仔要謹慎一啲戴口罩，防止染病。 華仔喺戲中飾演國際保安專家，為救出遇劫機嘅妻女而單挑一班劫機狂徒，更要喺狹窄機艙上演一打十二嘅連串肉搏戲份。

由劉德華監製以及主演嘅電影近日喺北京舉行首映禮，呢日華仔就同張子楓、劉濤、屈楚蕭同導演彭順一齊現身。

華仔形容呢種感覺非常爽，雖然即將要63歲，但感覺自己體力還可以。而喺一個狹小空間打鬥真係絕非易事，華仔就話，團隊開拍前已經做咗好多唔同動作，再統一排練，有啲係自己可以唔做就唔做，可以做到就做到。 張子楓喺戲中飾演華仔同劉濤嘅女兒，但角色因為一次意外而失明。首次挑戰演視障人士，對子楓嚟講都好有挑戰，特別係有華仔呢個靚仔爸爸，要做到「視而不見」真係好難！但子楓就話感覺喺片場時，一家三口嘅都特別準確搵到狀態。

華仔喺戲中飾演國際保安專家，為救出遇劫機嘅妻女而單挑一班劫機狂徒，更要喺狹窄機艙上演一打十二嘅連串肉搏戲份。

而劉濤就靠節奏同感覺去搭戲，係一件特別享受嘅事。 台灣音樂才子周興哲呢次就喺戲中有特別演出，飾演空少嘅佢喺事前都有感受空中服務員嘅特訓，包括係由滑翔充氣跳出飛機，佢就話雖然好玩，但希望呢世都用唔著呢樣嘢。