陳奕迅傷後再戰網球場 聯費達拿組隊對戰國家隊

陳奕迅（Eason）三個月前因打網球不慎中暑以致暈倒跌傷，更影響巡唱進度。不過Eason康復後，不單繼續開騷，亦冇對打網球留低陰影！

陳奕迅三個月前因打網球不慎中暑以致暈倒跌傷，而熱愛網球運動嘅Eason近日受一個大師賽邀請。

熱愛網球運動嘅Eason更受一個大師賽邀請，將會喺十月中同與偶像費達拿 (Roger Federer)齊齊以特邀嘉賓身分現身球場，同國家隊運動員張之臻、樊振東及王勵勤作友誼賽！ Eason直言一聽到可以同偶像費達拿見面已經好開心，冇諗過仲可以組隊一齊打網球，真係十分興奮又非常期待。所以Eason喺巡唱出發前都積極練習，笑言：「我喺傷後復出，當然要加緊練習，唔想到時影響費達拿，哈哈！」

陳奕迅將會喺十月中同與偶像費達拿以特邀嘉賓身分現身球場。

雖然Eason目前都不知賽事會點打、點計分，但佢承諾一定會認真作賽。之後Eason又重提上次中暑兼向大家大派定心丸：「唔怕，已經入秋，天氣應該好舒服。大家唔使擔心，我會好好保護自己，會飲多啲水，唔會再畀自己受傷㗎啦！」

雖然Eason目前都不知賽事會點打、點計分，但佢承諾一定會認真作賽。