電影泉攻略丨吳慷仁劉主平新戲大談約砲文化 親密指導設安全暗號保障演員丨EP122

王鎮泉Jeoffrey每星期為觀眾提供最熱辣電影資訊，中外猛片專訪花絮上映時間全部集齊，「電影泉攻略」個個星期陪你睇新戲。 

由吳慷仁、柯煒林、劉主平及梁湘華主演嘅18禁電影《破浪男女》有連場大膽性愛場面。

由吳慷仁、柯煒林、劉主平及梁湘華主演嘅18禁電影《破浪男女》有連場大膽性愛場面，探討現今世代速食男女關係同約砲文化。而劉主平飾演嘅小綠喺戲中只談性不談愛，當佢遇到由吳慷仁飾演，有才華又識撩女仔嘅情聖「單親霸」後，開始有「沉船」感覺。二人戲中床戲火辣，雖然係首次合作，不過慷仁同主平都話冇時間緊張。而且劇組更設有一個「親密指導」女老師，喺進行親密戲前，對方會同導演做充分討論，再進行導演、演員、指導間三方排練，亦同主平設有一個「安全暗號」，確保拍攝時唔會有人唔舒服。 

《破浪男女》探討現今世代速食男女關係同約砲文化。

本周新片速遞就有《破浪男女》，女警小綠同高冷閨密白Q所有私密話題無話不談，但只談性不談愛嘅小綠喺情聖「單親霸」後，竟然有啲沉船？而即將步入婚姻嘅白Q，就同從未露過面嘅膠衣縛繩師「Uberdick」有一段講唔出口嘅重口味「付費約會」，沉溺在綑綁性愛之中。 《躁底師兄2 行刑師》，由黃晸玟同聯手主演。講述躁底火爆探員徐道哲，繼續日以繼夜地緝捕罪犯，隨坐連環殺手嘅出現，今次凶案搵嚟新丁朴善宇幫手，但案件越查越多疑點，期間更帶嚟連串不可思議事件。 

《武替道》講述兩代動作演員偶然相遇，一拍即合。

《武替道》講述息影多年嘅動作指導李森（董瑋飾）遇上沉醉電影但苦無機會嘅動作演員李世龍（劉俊謙飾），兩代動作演員偶然相遇，一拍即合，不過重返片場嘅李森突然覺得一切已今非昔比，更同曾結怨嘅男主角、而家已經係知名動作巨星嘅梁志威（伍允龍 飾）狹路相逢。 

《母血性》講60年代嘅美式家庭，鄰居之間感情非常好。靚太艾麗絲（謝茜嘉謝西婷 飾）和絲蓮呢對鄰居兼閨密互相扶持，比親姐妹更親，雙方家庭亦一直相處融洽親近。直至一次意外，令絲蓮痛失愛子…自此之後，艾麗絲發現絲蓮變得行為異常，更懷疑絲蓮將意外怪罪於佢，打算密謀報復！ 

本周票房戰況直至9月25號中午，第一位《我談的那場戀愛》。

本周票房戰況直至9月25號中午，第三位《痛愛完成式》、第二位《變型金剛初始篇》、第一位《我談的那場戀愛》。

場地提供：柏寧酒店