獨家！蔣家旻親認９月中於澳洲結婚做人妻婚後首曬日本輕井澤婚禮甜蜜靚相

蔣家旻（Angel）噚日（26號）與男友周永基喺日本輕井澤舉行婚禮，新娘蔣家旻晚上喺社交平台分享幾張結婚照，見佢身穿Tube Dress露背款拖尾婚紗，與老公大曬甜蜜！

新娘蔣家旻晚上喺社交平台分享幾張結婚照，見佢身穿Tube Dress露背款拖尾婚紗。
蔣家旻今日接受TVB娛樂新聞台訪問時，承認喺９月中於澳洲結婚領證做人妻，當刻蔣家旻已忍唔住感動爆喊；蔣家旻早前到布拉格拍攝新劇《巨塔之后》時，仲要忙住處理日本婚禮嘅嘢，佢坦言賓客人數極度有限，所以無法邀請太多人出席，之後佢亦會陸續將靚相擺上網同大家分享。

蔣家旻今日接受TVB娛樂新聞台訪問時，承認喺９月中於澳洲結婚領證做人妻。
蔣家旻婚禮場地揀喺絕美教堂「石之教會」舉行，為輕井澤極具人氣嘅婚禮場地之一，「石之教會」建於1988年，由美國著名自然建築師Kendrick Kellogg所設計，將「石、光、水、綠、樹」等自然界五大元素完美融入建築當中，難怪新娘子蔣家旻視呢個係佢夢想舉行婚禮嘅場地。