陳慧嫻籌備40周年紅館演唱會 珍惜人生每一次相遇及離別

陳慧嫻（Priscilla）今日推出新歌《給親愛的親愛》，靈感及主題均來自慧嫻，一來自己好耐冇出新歌，二來想趁住呢首歌同親愛嘅觀眾、親愛嘅粉絲講聲Hello，承載對大家嘅思念同祝福，讓大家感受到呢份真摯情感，「無論大家身處邊一度，都有我嘅音樂陪伴住你哋」。

陳慧嫻透露正積極籌備明年演唱會，期待同大家可以一齊再分享音樂。
慧嫻有感近年經歷好多聚散離別，無論係移民、工作、家庭或成長嘅原因，關係緊密好友變得疏離，「其實好多時候都會耐唔耐諗起大家，但硬係抽唔到個時間去見面，我希望可以喺呢一首歌裏面表達到呢種思念同祝福」，希望透過呢首歌令觀眾諗起生命中重要嘅人，無論佢哋身處何方，呢一段情感係超越距離，永遠相連。

陳慧嫻有感近年經歷好多聚散離別，無論係移民、工作、家庭或成長嘅原因，關係緊密好友變得疏離。
而最觸動慧嫻嘅歌詞係「人生如風似煙 領悟人生後 初見面」，慧嫻認為後生嗰陣有時可能比較自我中心、驕傲、自私少少，唔識得易地而處，但當自己經歷多咗、大個咗，就覺得後生時候係咁幼稚：「發覺大家都變好咗，同人生變幻無常，當我哋真正理解人生嘅本質後，或者我哋能夠更加珍惜咁去看待生命中每一次嘅相遇同離別。」

陳慧嫻趁住呢首歌同親愛嘅觀眾、親愛嘅粉絲講聲Hello。
慧嫻透露正積極籌備明年演唱會：「正在全力籌備我嘅四十周年紅館演唱會！期待同大家可以一齊再分享我嘅音樂，好似我嘅新歌裏面有一句歌詞『努力排練 若然一日能遇見』，我哋好快會見㗎啦！哈哈。」