蔣家旻日本出嫁好友齊見證 2Line黨全員升呢成人妻

蔣家旻 早前已經喺澳洲同電視台高層 周永基 註冊結婚，日前再到日本輕井澤舉行婚禮，邀請大班親友見證，場面甜蜜又溫馨，亦代表由 朱千雪 湯洛雯 張嘉兒 岑杏賢 同 蔣家旻 組成嘅「2Line黨」所有成員都已經各組家庭，成為幸福人妻喇。

2Line黨眾黨員當然唔可以錯過好朋友嘅婚禮，齊齊飛到當地陪Angel出嫁，其中新近升任人母嘅朱千雪，仲分享5人合照，又寫道：8年前 張嘉兒 是我們第一個結婚的...隨後我們一起見證著我，岑杏賢、 湯洛雯的婚禮❤️ 如今你都當人妻了，感覺我們真的長大了👰🏻‍♀️。」
2Line黨成員齊歐聚見證蔣家旻出嫁

而靚湯亦Share當日靚相，佢留言話：Such a beautiful and warm wedding❤️🥹Altho u’re a wife now, u’re still our dearest little sister🫶🏻Congratulations❤️」
靚湯亦出Post祝賀Angel出嫁，仲指對方永遠都係佢哋嘅妹妹

當年幾位初出道小花感情要好，因為事業尚處起步階段，所以自稱二線藝人組成「2Line黨」，後來張嘉兒、岑杏賢、朱千雪同湯洛雯先後成婚，而Angel如今亦追隨成為人妻之後，2Line黨成員亦全部成格成為太太，而靚湯同Angel亦要加緊步伐，追上其他黨員做媽咪嘅成績喇。

婚禮氣氛溫馨又甜蜜