古巨基急性中耳炎聽力下降一半 擔心留後遺症被逼退出節目演出

古巨基 今日（29號）喺社交平台突然透露右耳患急性中耳炎，連工作都無奈要緊急取消。基仔指26號晚沖涼後，突然覺得右耳刺痛同聽嘢模糊，直至第二日起身情況仍無改善，就立即睇專科醫生。醫生檢查後發現佢嘅右耳膜同周圍發炎紅腫有耳瘡，認為急性中耳炎，屬感染病毒所致。

古巨基日前突發耳痛，經診斷後疑係中耳炎
醫生話估計佢右耳當時聽力下降咗一半，建議基仔除咗用藥之外仲必需要休息，但基仔就話畀醫生知當日要飛往上海準備未來幾日綵排同演唱，醫生認為對耳朵會有風險。雖然周五同太太按計劃出發到上海，抵達後仲直奔錄影廠綵排，仲一如以往習慣，雙耳戴上耳機，綵排咗約一小時。
基仔就醫後原本仍想頂硬上，仍現身綵排

但係返到酒店後，基仔覺得右耳疼痛同耳鳴加劇，聽力比之前情況變得更弱，又因聽力不平衡導致暈眩，太太見到呢個情況都有啲擔心，除咗擔心唔可以正常表演外，仲擔心長遠創傷留下後遺症嘅風險。最終只能向節目組提出退出請求，以免影響直播。
不過綵排後就仍情況加劇，最後決定退出呢次演出

基仔又特別向劇組帶嚟不便致歉，又感謝大家諒解。同時佢又向原定同佢合作嘅年青歌手黃霄雲、王赫野致歉。基仔話希望痊癒後，一定要約同兩位年青人再續合作緣份。基仔又期待呢次節目嘅樂迷們致歉，期待自己盡快康復，再次為大家演出。

佢仲發長文講解同致歉