港姐奧運舉行聯合慶功宴 Mayanne入選影藝獎爭亞洲之冠

《2024香港小姐競選》轉個頭已經完成半個月，呢日15位佳麗就放低當時嘅競爭心態，齊齊重聚好好慶功喇。呢日除咗 秦冀雯 因為要返工未有現身之外，14位港姐同決賽司儀 麥美恩 莊子璇 ，仲有陪住佢哋拍外景嘅 江美儀 邵初 等都有出席。

一班應屆港姐呢日參與慶功晚宴
幾位前輩見證住佢哋投入選美，到後來不斷進步邁向決賽，都話大家好似脫胎換骨一樣，仲希望佢哋盡量保持初心咁話。
曾陪佢哋出埠拍攝嘅江美儀大讚佢哋急速成長

其中Mayanne主持嘅《Mayanne小喇叭》早前入圍2024亞洲影藝創意大獎嘅香港區最佳娛樂節目主持﹐12月就會競爭亞洲區之冠，呢日佢就指主持港姐決賽後受外界唔少肯定，加上呢次入圍大獎，難怪令佢喜上加喜喇。
麥美恩主持嘅《Mayanne小喇叭》獲外界肯定

至於應屆四位得獎佳麗，冠軍 倪樂琳 亞軍 梁嘉莹 季軍 楊桿瑤 同友誼小姐 王汛文 ，呢日終於可以放鬆一下，要藉機會向所有一直協助嘅工作人員同導師好好感謝，仲話一班女仔會再相約食飯。
幾位得獎佳麗呢日可以放鬆好好慶祝

而早前為觀眾直播巴黎奧運各項精彩賽事嘅團隊，亦同時舉行慶功，主持 朱凱婷 就話雖然微運完結已經一段時間，不過今次聯合慶功就可以特別慰勞一眾男同事咁話。而「萬能鍾」 鍾志光 仲有巴黎現場直擊追訪運動員嘅 莊琬晴 何振然 同 鄭衍峰 呢日就話攰都唔緊要咁話。
表現傑出嘅一眾奧運主持呢日亦齊齊慶功

鍾Sir仲話攰少少都唔係問題喎

另外，一眾港姐得獎佳麗，呢日出席最後一個領獎活動，仲係由港姐前輩 馮盈盈 同 陳凱琳 頒獎，兩位師姐就非常懷緬當年參選領獎嘅感受呀。至於幾位應屆佳麗亦即將展開銀色旅途，佢哋仲對未來發展有唔同理想，仲有好多抱負想要挑戰，仲想齊齊著古裝扮演四大美女呀。