泳兒未敢挑機羅蘭鬼后之名 住民宿自己過夜險嚇破膽

泳兒 呢日一身暗黑造型為主題樂園嘅萬聖節鬼屋宣傳，同一班「嘩鬼」唱跳演出歌曲《撞到正》。呢個樂園過往好幾年都搵元祖「鬼后」羅蘭宣傳，泳兒被問有冇意取代羅蘭姐成新一代「鬼后」，佢就高呼唔敢，只希望同羅蘭姐一齊合作，而今次負責宣傳係因為之前嘅歌曲當中表達「人比鬼更可怕」嘅慨念。

泳兒因為歌曲暗黑，今年被主題樂園邀請宣傳萬聖節活動
其實泳兒要做新一代「鬼后」要提升下膽量，因為佢一向都好怕入鬼屋，更好怕喺外地一個人獨處，好似佢曾經獨自去英國進修聲樂時，就出現自己嚇自己嘅趣事喇。
不過Vincy就自爆並非大膽嘅人，早前去外國仲發生自己嚇自己笑料

當年佢入住有屋主嘅民宿，但屋主整夜未歸，只係剩得佢單獨過夜，點知瞓覺時屋中不斷出現怪聲，令佢聯想有「不速之客」，驚咗成晚，起身先發現原來係充電器跌落地而發出嘅聲。

所以佢都話冇可能取代羅蘭姐地位呀