StarTalk｜張家輝拍戲執迷極限演出滿足感 演又導盼為觀眾呈現特別作品

張家輝 為電影演出可以話不惜一切，好似當年嘅全身肌肉封面已經令人至今津津樂道，最近佢又為新片作極限挑戰，呢日佢接受 王鎮泉 《StarTalk》訪問時，就指自己由頭打到尾，直頭係挑戰極限。

自言對動作戲去到執迷程度嘅家輝，對每次完成困難動作同打鬥場面後，見到成品嘅滿足感，會對拍攝時嘅艱辛忘記得一乾二淨，仲坦白一直有挑戰更強更勁場面嘅慾望，就算年齡漸長都未有令自己退避。
張家輝新作造班加表情非常詭異

打鬥自然會有受傷可能，拍攝《激戰》時手指受傷，就令佢反覆琢磨意外成因，仲搞笑話講動作戲丹爺 甄子丹 都只係僅僅追貼自己喎。
佢仲坦言對唔同動作場面有極致追求

當年佢拍攝大量劇集，日夜顛倒趕拍雖然非常辛苦，但係見證住全劇演員齊齊邁向更好發展，就可以話攰並快樂著，就算冇得瞓都樂在其中。

當年拍攝劇集嘅過程雖然疲憊但係非常好玩

近年家輝演而優則導，佢仲特別認為拍攝非主流嘅題材，覺得可以俾觀眾有更多選擇，佢執導兼扮演精神病患者嘅新作，就係自己儲存到一定程度衝動之下，爆發而出嘅產品，希望大家可以有唔係倒模嘅電影可以欣賞。