陳山聰鮑魚長壽麵慶生 多位圈中好友排住約生日飯

今日（2號）係陳山聰嘅48歲生日，連日嚟佢都有唔少生日飯約，好似聰粉早前就提早為佢舉行生日會，當中山聰嘅囝囝陳霆軒Jaco除咗一同現身外，仲喺生日會上獻聲同爸爸一齊唱歌慶祝。
Jaco同爸爸一齊出席生日會。聰粉為山聰提早慶祝生日。
圈中人緣甚好嘅山聰，獲得唔少圈中好友祝賀，好似李施嬅、林子善及謝東閔等，都有喺限時動態貼出與山聰嘅合照，祝賀對方生日快樂，而佘詩曼則post出同陳山聰一家、郭政鴻等一齊食嘅生日飯照，阿佘喺帖文中以英文表示：「Wishing you a joyful, memorable day and an amazing year. Happy Birthday bro! @joelshanchung」

阿佘同郭政鴻等同山聰食生日飯慶祝。
林子善喺IG發長文賀山聰生日。生日食長壽麵，山聰呢碗長壽麵好豪。
身為壽星嘅山聰，除咗一一轉發大家嘅限時動態外，佢亦上載咗一碟鮑魚麵喺限時動態，表示自己食碗長壽麵後就去開工呀。

謝東閔李施嬅