文頌嫻首次公開下廚壓力大 破七魔女慶生冧蛋糕之䛧

文頌嫻 呢日出席一個公開活動，即場示範廚藝，吸引唔少街坊圍觀。雖然文女平時都會喺社交平台拍片教煮嘢食，不過佢就話同公開下廚嘅感覺好唔一樣。事關拍片可以專心煮唔洗講嘢，但公開下廚就要同街坊傾偈，要兼顧實在唔易。

文女嘅烹飪功夫非常唔錯，近年亦不時拍片教大家煮食

文女由疫情開始掌管廚房，雖然廚藝未到酒樓級，但佢亦好努力煮出家人愛食嘅餸菜。至於準備愛心飯盒，文女就話雖然唔係經常煮，但因為囡囡習慣佢嘅調味，又唔係好食得濃味，每次接完囡囡放學都會睇下囡囡飯盒有冇「清盤」。 

佢又話一有時間就會為囡囡準備愛心飯盒

日前「七魔女」一齊為姚樂怡慶祝生日，點知發生意外，成個蛋糕意外跌落地下。文女就話因為當時樂怡腸胃唔舒服，所以大家就打算set好機同蛋糕影返張相，點知意外「冧糕」，最後睇返片先知係樂怡自己推跌。

又公開日前姚樂怡生日跳糕墜地嘅真兇