許廷鏗透露聖誕約欣宜相聚 稱好友目前狀態OK不用擔心

許廷鏗呢日出席一個活動擔任音樂創作評審之一，佢趁機吸納新思維創作，今年佢想聽多啲歌、留意多啲有咩新人出現，亦希望同自己嘅音樂班底繼續開拓一啲新嘅音樂。

Alfred為一個音樂創作活動擔任評審，事前聽足逾千作品
許廷鏗呢次夾夾埋埋聽咗千幾首歌，形容自己好似一個海綿咁吸收到新嘅創作理念，嚟緊聖誕節將至，佢笑指每年聖誕「任務」就係同媽媽慶祝生日，要陪媽媽共度佳節，暫時未買禮物畀媽媽，佢話阿媽最想收現金，或者同幾兄弟姐妹一齊送上Christmas Birthday Kiss。
佢又指聖誕節已經約定好友欣宜見面，更大讚對方狀態極好

許廷鏗話嚟緊都想約好友欣宜（Joyce）相聚，本身佢哋約咗一段時間，希望Joyce下廚煮嘢食，又讚Joyce煮嘢好叻，許廷鏗爆Joyce有叫朋友畀期一齊見吓面，唔好得個講字，佢指Joyce目前狀態OK，叫大家唔使擔心！