湯洛雯帶老公馬國明赴蔣家旻婚禮 五姊妹個個一拖一變成十人行

蔣家旻（Angel）日前喺日本輕井澤舉行婚禮，四位好姊妹湯洛雯、朱千雪、岑杏賢同張嘉兒當然出席見證Angel重要時刻。

34歲蔣家旻日前喺IG輕井澤舉行浪漫婚禮，一班好姊妹前往當地見證新娘子幸福時刻。
喺日本叉足電嘅靚湯，喺社交平台再分享日本行靚相，老公馬國明都有份入鏡，夫婦兩日享受甜蜜假期，靚湯感觸寫上「幾耐冇試過五個一齊去旅行，而家仲個個一拖一變十個喇」，靚湯仲特別多謝新娘子Angel畀咗一個好治癒嘅旅行佢，等佢有機會去到一個咁靚嘅地方放鬆同相聚，係一個好難忘溫嘅回憶。

一班好姊妹更一齊留喺日本旅行。靚湯老公馬國明原來有去日本，二人仲幸福撐枱腳。

湯洛雯婚後經常放閃， 而馬國明婚後依然忙個不停，一抽到時間就馬上陪愛妻。靚湯睇嚟好滿意呢次日本之旅。