陳奕迅女兒陳康堤正面爆光 徐濠縈公開家庭照賀包包20歲生日

陳奕迅同徐濠縈嘅女兒陳康堤(包包)轉眼間就踏入20歲，因為父母嘅關係，包包自小成長一直受關注，早前更被傳媒爆出戀情，指佢同日本男模撻著，而且已經見過家長。包包20歲生日即喺10月4日，媽媽阿徐對女兒長大轉字頭似乎特別感慨。

包包20歲生日即喺10月4日，媽媽阿徐對女兒長大轉字頭似乎特別感慨。
阿徐平日對女兒嘅一切盡量低調，今次反而罕有將包包多年來成長點滴照片Po上網，與大眾重溫女兒嘅童年，亦意味住佢作為人母嘅轉變，相中嘅包包自小擁有一把豐厚頭髮，臉蛋圓圓非常可愛，當中有同媽媽一齊整甜品、操刀影相、一家三口躺在草地等畫面，溫馨點滴在心頭。

康堤身高幾乎超越媽媽，母女打扮都以型格行先。
其中一條短片係包包細個身穿校服時，喺車廂中對住媽媽唱歌，歌頌媽媽好辛苦，要做個好寶寶，相信呢個畫面對於母親嚟講一定係最美好回憶，而另一條片就係包包去睇爸爸演唱會，當時阿女不足十歲，Eason喺台上不忍女兒捱眼瞓即慈父上身，叫包包先返家休息，另一短片就係包包大個女去睇爸爸演唱會派心心，回望過去時光飛逝。

阿徐平日對女兒嘅一切盡量低調，今次反而罕有將包包多年來成長點滴照片Po上網。
雖然話女大女世界，但康堤近日都有陪在媽咪身邊，兩母女又一齊去滑雪，旅途中阿徐同包包更鮮有出鏡，曝光女兒正面，見康堤身高幾乎超越媽媽，母女打扮都以型格行先。而正喺內地忙住巡演嘅Eason就未見蹤影，估計要為工作忙碌，暫未能同阿女大肆慶祝。

阿徐與大眾重溫女兒嘅童年，亦意味住佢作為人母嘅轉變。

雖然話女大女世界，但康堤近日都有陪在媽咪身邊。

陳奕迅同徐濠縈嘅女兒包包轉眼間就踏入20歲，因為父母嘅關係，包包自小成長一直受關注。