與天地對話丨姜皓文親述也門放航拍機險被槍砲擊落 沿路有軍人傍住氣氛緊張

姜皓文（黑哥）喺也門拍攝TVB節目《與天地對話》 遇上大規模軍事行動，過程中一度失聯，呢日黑哥安全返港親述拍外景難忘經歷，指抵達也門就感受到氣氛緊張，公司喺當地外騁請咗一啲軍人沿路保護，甚至買樽水、過馬路都要一個軍人傍住。

姜皓文早前到訪也門拍攝《與天地對話》
黑哥稱拍攝地點與空襲位置有啲距離，整個也門一日停好多次電，冇Wi-Fi無法通訊，即使酒店嘅Wi-Fi都係斷斷續續收到，黑哥坦言親友有啲擔心，一定要聯絡到黑哥先安心。
但就因為政局混亂同停電斷聯，令親友非常擔心

而黑哥有次去大峽谷拍壯觀景色，航拍機就差啲被軍方槍砲擊落，幸好軍方聯絡到當地領隊了解情況，知道佢哋喺大峽谷拍嘢，仲叫佢哋要立即收起航拍機，黑哥又要自己行去好遠，要一直用對講機確定邊啲位置係行得，確保唔會行入軍事禁地。
黑哥又指因為部份地區敏感，航拍機幾乎被擊落

黑哥今次行程緊湊喺也門拍外景高溫難耐，需要時刻補充水分，又要勤塗護膚霜，黑哥又笑指就算啲嘢係幾特別都好，一班人食嘢都好開心，佢大讚節目設計得好好，有一個人嘅感覺，可以暢所欲言講自己嘢，黑哥話整個拍攝過程好開心。