資深日劇演員沼田爆離世享年84歲 《GTO》演老師藤富誠《極度不妥！》最後現身

1999年播出嘅日劇經典《GTO》4月先提出全新版本，當中包含唔少原版經典角色，仲有唔少朋友重回當年原版故事，可惜今日日本傳媒報道，於1999年版本扮演其中一名老師藤富誠嘅 沼田爆 早前已離世，享年84歲。

沼田爆年初參演嘅《極度不妥！》播出，當時同拍檔合照
沼田爆當年於《GTO》扮演一名好好先生，溫和有禮嘅佢同一眾主角 反町隆史 松嶋菜菜子 等為問題學生出心出力，令人有深刻印象。近年沼田爆雖已年屆古稀，不過仍有參與幕前工作，3月播畢；myTV Gold亦有播出嘅《極度不妥！》當中，佢就扮演一名打扮依然有型嘅咖啡店老闆，亦係佢最後出現於電視前嘅演出。

當年於《GTO》扮演敦厚嘅藤富誠老師
經紀人公司向外證實死訊，當中只提及沼田爆已經離世一段時間，不過細節同死因就未有公佈。

《GTO》半年前先推出新篇，唔少朋友正沉浸於當年回憶