StarTalk丨曾患抑鬱陳德森開設網上節目 期望幫助同路人重拾健康身心

著名導演陳德森今年展開新身份，喺開設網上節目探討抑鬱症問題，邀請多位曾患抑鬱症嘅藝人分享經驗，希望幫助患者同患者嘅家人走出困境，陳導亦係呢個病嘅過來人，而家精神回復健康嘅佢都分享自己嘅經驗同開導受情緒困擾嘅朋友。

著名導演陳德森今年展開新身份，喺開設網上節目探討抑鬱症問題，邀請多位曾患抑鬱症嘅藝人分享經驗。
陳導作客《StarTalk》接受主播王鎮泉專訪，佢就講到因為遇到一件事而萌生開設頻道，03年患上抑鬱嘅佢，於08年再復發時就搵到出路解決，自設佢就開解咗超過十幾人，直至最近佢有份好友希望陳導開導身邊一位患有精緒病朋友，原先約好下周見面，但對方突然在數日後跳樓自殺身亡，因此佢下定決心開拍節目。

導演陳德森希望幫助患者同患者嘅家人走出困境。
陳導先後邀請咗林建明、薛凱琪（Fiona）同張繼聰等受訪，佢就對阿聰訪問特別深刻，因為對方不停尋找人生係咩，點樣可以正面去觀看事物。另外，佢又覺得Fiona經已可以幫到其他人，因為佢同Fiona都用緊其中一個提升正面態度嘅方法，而呢個方法係精神科專家都話有用。

導演陳德森對阿聰訪問特別深刻，因為對方不停尋找人生係咩，點樣可以正面去觀看事物。
喺治病過程，陳導解開唔少心結，出身於破碎家庭嘅佢，母親結婚後先知丈夫另有家室，從少缺乏父愛，不過聽咗老友許冠文嘅一席話之後，令佢放下憎恨父親心態，不過當時父親已經離世。陳導話視許冠文為長輩，當日許冠文同佢講其實受害者係母親，而母親都原諒咗父親，點解你唔原諒父親，而心中有仇恨就創作唔到，因為電影係需要愛。由於父親經已離世，所以陳導就寫咗電影《童夢奇緣》，藉此表達心底話，佢亦講到不時叫年青一代要多見父母，珍惜相處。