黎明七十二變造型宣傳新歌 由明福俠玩到技安 包租婆

永遠都會畀到大家驚喜嘅 黎明Leon，今日喺毫無預警下畀咗個大大嘅surprise大家，佢突然喺社交平台發文宣布推出全新廣東歌《七十二變》，仲以幽默鬼馬嘅文筆寫道：「秋風起！巴 BQ！咪著涼！燒燶咗！禁食佢！出新歌之黑話題『七十二變』」Leon難得一早出post，加上已經有一段時間無出新歌，所以fans見到偶像個post都被佢嚇到又驚又喜又感動！

AI黎明版包租婆。AI黎明版少年賭神。
精靈
Leon新歌旋律輕快，成首歌嘅MV畫面更係用AI生成，非常破格！而喺MV中 Leon嘅百變造型更係震懾大家眼球，好似有少年賭神look、甜蜜蜜嘅黎小軍，連狼人、技安、燈神、明福俠甚至包租婆look都應有盡有，真係娛樂性十足！唔少網民都大讚Leon創新、追上潮流又玩得！唔知大家又鐘意邊一個造型嘅Leon呢？
AI版少年黎小軍。AI黎明版 《劫後重生》。美猴王？