周吉佩生日喜上加喜 首個個唱門票開賣日即售罄

中聲歌手周吉佩首個個人演唱會即將喺11月底舉行，而喺門票開賣當日亦係吉吉37歲生日大日子！喜上加喜嘅係，喺開賣當日嘅下午，喺購票網站可見，吉吉個唱門票全部售罄。得知喜訊後，吉吉即時拍片放在個人社交媒體多謝樂迷支持，又形容呢個係「一份好驚喜嘅禮物」，佢又感謝大家一路以黎對佢非常愛錫同照顧，希望入場嘅各位都可以睇到佢除咗《第三人生》嘅呢個階段外嘅《第一人生》同《第二人生》，一齊起飛。

周吉佩喺社交平台公布喜訊。
隨後，吉吉又話：「希望透過呢個演唱會，可以帶大家穿梭唔同嘅時空，去感受返你哋嘅第一、二、三次人生究竟係點？亦都希望大家可以同我哋係呢個演唱會𥚃面一齊去做一個儀式，見証我哋呢一個《第三人生》。」
 門票開賣當日亦係吉吉37歲生日嘅大日子。
吉吉亦知道好多朋友同歌迷都買唔到飛，希望演唱會可以加場，所以佢目前都可主辦單位商討當中嘅可能性，一有加場好消息就會即刻同大家講。
 
吉吉坦言傾緊加場嘅可能性。