許廷鏗出歌紀念轉型三周年 出席頒獎禮勉勵學子努力向前

許廷鏗 Alfred 日前推出新歌《自然光》慶祝自己開公司，以成為獨立歌手身分推出首支歌曲嘅三周年，Alfred撰文：「相信有路可自己開創，相信有歌可記載共感。相信有日可自立門戶，相信有天可片刻綻放。」以及「我不懂未雨綢繆策劃，我只能隨心而行發表。我不能自己認定成就，我只能靠大家同作證。」形容呢三年嘅心路歷程，以及未變嘅赤子之心。

許廷鏗 Alfred 日前推出新歌《自然光》。

Alfred以嘉賓身分出席一個獎學金頒獎典禮。

除咗專注於新歌宣傳工作，Alfred近日就以嘉賓身分出席一個獎學金頒獎典禮，同應屆得獎學生以及首屆得到獎學金嘅畢業生以「健康長久好生活」分享交流。Alfred雖然家境好，參加《超級巨聲》出道後事業都順風順水，加上又係學霸，完全可以話係「人生勝利組」，但其實佢喺追夢路上亦有遇到難關嘅時候，所以佢都好明白每位初入社會嘅大學畢業生都會有唔容易嘅地方。Alfred鼓勵大家以正能量面對生活及前路，又認為：「個人經歷造就今日嘅自己，雖然一路走嚟或者會遇上困難以及對未知嘅不安，但只要相信自己，達到目標時就會覺得一切都值得。」鼓勵同學勇往向前。

Alfred以嘉賓身分出席一個獎學金頒獎典禮。