肥媽黑妹相隔七年再合體開騷 門票未公售已飛債累累

肥媽（Maria Cordero）、黑妹李麗霞兩位老友鬼鬼，自2017年合體開騷後，相隔七年，呢對「媽妹」終於再度合體喺十二月中開Part2演唱會！難得再一齊開騷，兩位「 媽妹」身邊嘅親朋好友都話要搶票支持，令演唱會未正式開售，兩位已積下不少「飛債」！ 

肥媽與黑妹李麗霞相隔七年，呢對「媽妹」終於再度合體喺十二月中開Part2演唱會！

肥媽同黑妹對呢次開騷都非常興奮同期待，肥媽話：「其實我哋一直都搵緊場地想開騷，始終開實體騷先能夠聽到觀眾歡呼聲，同佢哋互動，到時說嘅、唱嘅、跳嘅都會特別有能量呀！」而黑妹姐表示：「自上次演唱會後，好多歌迷都話唔夠喉，又話要聽多啲我哋兩個合唱，我自己其實一樣咁期待呀！終於等到今次開騷。」 

兩位「媽妹」就即刻充滿能量，邊唱邊跳完成拍攝。今次演唱會主題以開心搞笑為主。

而較早前兩位已經為演唱會拍攝海報，雖然當日拍攝時間較長，但當影樓一播出勁歌，兩位「媽妹」就即刻充滿能量，邊唱邊跳完成拍攝。今次演唱會主題以開心搞笑為主，所以兩位當日嘅幾個造型都相當百變，而且充滿色彩，令兩位「媽妹」都化身「選擇困難症」好難揀出最終選定嘅海報造型啊！

兩位「媽妹」都化身「選擇困難症」好難揀出最終選定嘅海報造型啊！