胡定欣黎耀祥合唱台慶劇插曲 柔情版本《紅蝴蝶》難度高

胡定欣同黎耀祥呢對老拍檔合體為TVB台慶劇《巾幗梟雄之懸崖》錄製插曲，重新演繹合唱版《紅蝴蝶》，節奏同編曲有所調整，二人錄嗰陣都話有啲難度，而定欣要唱埋和音，笑指唔知唱live要點去唱。

胡定欣同黎耀祥合體為台慶劇《巾幗梟雄之懸崖》錄製插曲。胡定欣要唱埋和音，笑指唔知唱live時點算。

監製方駿釗呢日亦有嚟到解釋劇集想要嘅感覺，希望錄一個柔情版本配合感情場口，定欣邊錄邊回憶起柴十七與七爺嘅劇中情節，二人坦言好在有畫面，一個演員唱番嗰首歌係有著數，可以掌握嗰種深情容易啲。
黎耀祥
兩位都話錄製時有難度。