張寶兒幸福滿瀉迎接33歲生日 兒子袁咕碌獲分藍莓過口癮

張寶兒（Bowie）作為十月壽星女，喺踏入十月十號生日前就開始同朋友食生日飯慶祝迎接33歲大日子。而Bowie喺今日（10號）就喺社交平台分享多張生日聚會嘅相同片段，其中包括同老公袁偉豪以及豹哥單立文、豹嫂胡蓓蔚等好友食飯聚會，收到超華麗花花造型粉紅蛋糕嘅Bowie一臉幸福，即使已經成為人母，依然擁有少女心。 

囝囝袁咕碌有得食生日蛋糕上嘅一粒藍莓過口癮。

不過有老公陪過生日就梗係唔夠啦！喺Bowie嘅另一段分享可見，抱住囝囝袁咕碌一臉幸福，接收朋友嘅生日祝福，然後吹熄老公手上嘅蠟燭，真係幸福滿瀉！最好笑係袁咕碌一臉狀況外，雖然未到可以食蛋糕嘅年紀，但喺一班大人起哄，佢有得食生日蛋糕上嘅一粒藍莓過口癮。 

張寶兒作為十月壽星女，喺踏入十月十號生日前就開始同朋友食生日飯慶祝迎接33歲大日子。

作為得到大家疼錫嘅壽星女，Bowie喺Post撰文享受大一歲嘅心情：「又一年啦。感恩除了有家人和福利會的傳統，今年還有新成員yogooloo加入慶祝行列。好吧！我就分享我的生日願望給你吧！」而喺文末hashtag中，Bowie亦特別用「今年的生日好充實」、「多謝袁生的窩心安排」、「一份很有心思的禮物 」、「記錄了八年以來我們的日子」低調放閃，多謝老公。

作為得到大家疼錫嘅壽星女，Bowie喺Post撰文享受大一歲嘅心情。