具俊曄送甜蜜驚喜賀大S生日 鼓勵現今男團偶像勇敢拍拖

大S徐熙媛自從2022年同前男友具俊曄破鏡重圓結婚後，二人一直幸福滿瀉，而具俊曄每次只要被問同大S嘅相處點滴亦會大方分享。10月6號就係大S嘅48歲生日，早前具俊曄現身男團選秀節目記招時就透露同家人一齊食飯為老婆預先慶祝，而佢亦送咗一隻價值10萬蚊新台幣嘅手鐲及親手畫畫畀老婆，喺卡片寫「Happy Birthday，我的愛，熙媛」，真係既有心思又Sweet！

具俊曄透明為老婆大S準備啲咩生日禮物。
 
具俊曄作為男團始祖，當年因公司反對而被迫同大S分手，如今時代唔同，具俊曄作為男團選秀節目導師，表明唔會反對學員拍拖，更鼓勵對方有機會就要把握，將戀愛同事業兼顧好。因為有戀愛經驗，有利於音樂創作。