企業強人｜陳豪搞笑扮「包青天」上身 譚俊彥張曦雯感情戲即將明朗化

台慶劇《企業強人》下周踏入結局篇，陳豪、譚俊彥(Shaun)、張曦雯(Kelly)、龔嘉欣、姜大衞等演員呢日齊齊現身宣傳活動，阿Mo同阿Shaun更大玩角色對調遊戲，扮對方曾經演過嘅劇集角色，阿Shaun就扮演《破毒強人》嘅文華，而阿Mo就扮「包青天」上身，場面搞笑。

陳豪扮「包青天」上身。
 
嘉欣呢次喺戲中飾演女強人角色，無論係喊戲定係連場對白亦揮灑自如，而面對專業詞彙多嘅硬資料性質對白時，嘉欣就會用快速記憶法令自己將對白入腦。而呢次劇種特別，有別於視覺刺激或者輕鬆小品，所以阿Mo都發現有唔少商界人士成為追劇觀眾。
 阿Shaun扮演《破毒強人》嘅文華。
至於Kelly同阿Shaun嘅感情戲若即若離，睇到觀眾都好肉緊，仲幫阿Shaun改咗個名叫「純愛戰神」。不過兩位呢日就同大家預告，佢地呢對CP好快就有明朗發展，亦會揭曉宋翹對徐道明冷酷嘅原因。
 《企業強人》眾演員呢日出席宣傳活動。
而劇中一班從事物流業嘅後生仔女演員，包括吳兆麟、胡敏之、黃浩霆，余思廷等等都因為拍劇而成為好友，一收工就會約埋食飯，又一齊玩密室逃脫，打成一片。
姜大衞 同 龔嘉欣。