黑色月光｜楊茜堯林夏薇薇兩大女角北京宣傳 馬志威開口獻唱有歌手水平

台慶劇《黑色月光》好快就會同大家見面，而楊茜堯 林夏薇 同 馬志威 早前就到北京，率先為新劇宣傳。劇集早前開播瞬即就獲得唔錯成績，而呢次佢哋現身，就一反劇中嘅爾虞我詐，不知咁老友呀。

馬志威、楊茜堯同林夏薇早前到北京宣傳《黑色月光》
呢日佢哋又即場玩唔同遊戲，參加歌曲接龍時 馬志威 嘅歌喉仲令大家非常驚豔呀。久休復出嘅茜堯同薇薇都大讚現場環境，而兩位太太就勁讚馬志威歌藝精湛，仲話佢好似開個唱咁呀。
佢哋又喺現場大玩遊戲

劇中兩位女角各懷鬼胎，演繹時情緒起伏仲有如巨浪一樣，而收工時佢哋就話要好好平靜調節同抽離角色，不過薇薇就指拍攝時一直保持瘋狂狀態，連朋友都怕咗佢呀。而佢同馬志威嘅大尺度床戲，就令佢拍攝前非常擔心，而拍攝前狂操腹肌嘅馬志威，就指當時要戒口勁難忍呀。

薇薇同馬志威嘅床戲仲成為討論話題